تنظيف السجاد حسب نوع البقعة

تنظيف السجاد حسب نوع البقعة

بالنسبة لغسيل السجاااااااااااااد ع الناااااااشف
اذا كان غسيله في الحمام
او غسيله في مكانه ع الناشف
اول سؤال :انا اغسل سجادي كل اد ايه؟
وكل اد ايه احكه ع الناشف؟.
صلوا على حبيبنا سيدنا محمد رسول الله
ماينفعش نحط قاعدة عامة للكل اننا لاااااااازم نغسل سجادنا كل اد كده
ماينفعش ابدا
لا انا مش زي ماما مش زي خالتو مش زي جدتي
مش زي عروسة
كل واحدة تختلف عن التانية من حيث مساحة بيتها وانتشارها في البيت وعدد الافراد و…و….و….
يعني في فروق بين البيوت وبعضها
بس في اسس لازم نحطها
هاتكلم عن اللي لسه عروسة ومافيش اطفال ___رزقكم الله بالذرية الصالحة يااااااااارب امييييييين ______
طبعا دي ماشاء الله تقريبا سجادها طول السنة نضيف يعني مش هيحتاج انه يتغسل في مغسلة ولا غيره
يعني لو كل شهر حكته ع الناشف هيكون زي الفل ومية مية او حتى لمعته وهاقول تلمع السجاد ازاي
وهتلاقي سجاد معين في مكان معين يتنضف يعني كل فترة بسيطة
زي سجادة المطبخ دي لازم تتغسل وتتحك ع الناشف كل اسبوع او اقل
وسجادة اوضة المعيشة

نيجي للي عندها اطفال ورجلين رايحة ورجلين جاية
واطفال بتحبي واطفال بتاكل وتفرفت ع الارض وتكب الاكل ع الارض ويجيبوا هنا ويحطوا هنا
وطبعا لو طفل واحد تقدري تسيطري عليه
وهاتعرفي تقعديه جنبك وتأكليه في حتة واحدة وتفرشي ملاية ويقعد وياكل
طبعا لو قولتيلي وانتي بتضحكي ضحكة صفرا هيهيهيههيي يقعد!
يقعد مين يا اما دا انا بالعب معاه دوخيني يا لمونة عشان ياكل معلقة بس
طبعا دي غلطتك انتي مش هو لان اي طفل حسب تعودك ماتقنعنيش ان طفلك معجون بمية عفاريت لان كل الاطفال من نفس العجينة واسالوني انا
بس كله بالتعود
اما بقى اللي عندها طفلين و3 وسنهم قريب من بعض دي بتكون حاجه تانى
خلينا في المهم
اللي عندها طفلين واكتر كان الله في عونها تفضل تشد في دا وتقعد في دا ساعة الاكل
ولا ساعة لما يجوا ياكلوا حاجة حلوة
وساعات يسهوكي ويقوموا عارفة انا دي
وبالتالي السجادة هنا تتبقع وهنا تتهرهد وحاجاة مايعلم بيها الا ربنا
الفئة دي بقى تغسل سجادها مرتين في السنة
وبقيت الايام لازم تحااااافظ على نضافة سجادها
يعني كل اسبوع تنضف سجادها ع الناشف

ولازم تفرش حاجة تغطي بيها السجادة حفاظا عليها اثناء الاكل حتى ولو هيكلوا بسكوتة او كيكة لازم ملاية
ولو تعرفي تشتري كليم او كافر للسجادة تغطي بيها سجادة اوضتهم او سجادة المطبخ حفاظا عليها هاتي ماينفعش عليكي وعلى ملاية قديمة للاكل

انا مش هافرح بالبنات اللي بتغسل سجادها اكتر يعني 10 مرات في السنة وناس تغسله كل شهر
اكنها مسابقة البون الشمعدان
كل ما تغسلي اكتر فرصتك في النضافة تكتر
لا احنا عاوزين نحاااافظ على السجادة نضيفة وجديدة
مش نضيفة ودايبة ومتهربدة وتفرشيها اكنك فارشة ملاية بسبب تنضيفك المستمر فيها حتى استغاااااثت
ازاي نحافظ على نضافة سجادتنا النضيفة
لازم يكون عندك بخاخة فيها شوية ماية بكلور بفيري بمنظف سجاد (اي حاجة تنضف تعددت المنظفات والتنضيف واحد مش هاثقل عليكي )
واول ما تشوفي حاجة ع السجادة بقعة كده ولا كده جري ترشي وتمسحي مرة واتنين لحد ما تنضيف اياكي تسيبي البقعة اكتر من ساعة او تهمليها بيكون صعب تنضيفها بعد كده
لو البقعة شديد اوي وهتحتاجي ترشي عليها منظف كتير
بتسيبيها شوية على ما المنظف يدوبها وترجعي ترشي تاني وتحكيها بالفرشاه وبعدها ببخاخة ماية وعليه حبة معطر وترشي وتنشفي بحتة قماشة ناشفة عشان تشرب الماية اللي شربتها السجادة
بالنسبة لتلميع السجادة

يعني سجادتي مش مبقعة بس عاوزاها مزهزه
ودي مثلا لسجادة الصالون او سجادة اوضة من الاوض اللي الرجلين فيها قليلة وبعيدة عن الاوباش
بتكنسيها كووووووووووويس اوي اوي بالمكنسة

بتجيبي المقشة الخشنة او فرشاة طويلة بايدين

وتغمسيها في جردل ماية بمعطر وتطلعيها وتنطري منها الماية بس مش اوي عشان ماتغرقيش الدنيا لا بالراحة جوا الجردل وتبتدي تحكيها هتلاقيها لمعت وبقت زي الفل

ونفس الحكاية برضو مع الكنب اول ما تيجي على الكنبة بقعة ماطرح ضيوف عيالك غيره في ثواني بالبخاخة وتنضفي
نيجي بقى لدعك السجاد كله بشكل عاااام ع الناااااااااشف
اكنسي السجاد كووووووووووووويس اوي بالمكنسة

هاتي فرشاة البلاط وطبق فيه شوية كلوركس الوان واي حاجة بتاعة تنضيف سجاد لو عندك والكلوركس بتاع الالوان حلو والله مش وحش لو معندكيش الا هو بس
امسكي السجادة حتة حتة وادعكيها وطبعا لو فيها حتة مبقعة بتبتدي بيها الاول عشان وانتي ماشية ع السجادة ترجعيلها تاني تكون باشت البقعة ونضفت وياكي بسهولة
نيجي لمرحلة الشطف ماهي السجادة كده انتي ويكأنك غسلتيها يبقى لازم تشطفيها وعشان تشطفيها يبقى نشطفها ع الناشف هتجيبي جردل ماية وفيه معطر داوني او داوني او داوني اختاري انتي بقى وتجيبي مقشة خشنة وتغمسيها في الجردل وتمشي ع السجادة ويكأنك بتكنسيها هتلاقي في حاجات اصلا كانت لازقة في السجادة بتطلع وياكي كمان ماطرح ما حكتيها ع الناشف يعني فرفوتة اكل رزاية الامر برضو مش بيسلم يا بنتي
وبعدين بحتة قماشة ناشفة وبالضغط على كل السجادة عشان تشرب اللي عملناه فيها وبعدينا الفحيها على كتافك وهويها في الهوا
وتمتعي بسجادة نضيفة

طريقة سهلة ورائعة لتنظيف السجاد

معظم السيدات تعاني من تنظيف السجاد المتسخ، حيث إنّه يحتاج مساحةً كافية، ووقتاً كبيراً، وجهداً عالياً، وقد تكون نتائج الغسيل أحياناً غير مرضية، لذا سأقدم لكم طرقاً جديدة فعالة في تنظيف السجاد، مضمونة النتائج، وتعيد لسجادتك لمعانها، بجهد ووقت أقل من الطرق التقليدية التي اعتدي عليها.

إذا كنتِ تريدين تنظيف السجادة دون تحريكها من مكانها، والحصول على نتيجة سريعة، إليكِ هذه الطريقة السهلة، فهي مناسبة إذا ضطررتي لاستقبال مفاجئ للضيوف، ولم تكوني متأكدة من نظافة سجادتك، فعليك بهذه الطريقة، وإليك التفاصيل: قومي بوضع كمية من الماء الدافئ في وعاء كبير، وضعي فيه نصف كوب من الكلور الخاص بالألوان، بالإضافة إلى ربع كوب من المعطر الذي تستخدمينه في غسل الملابس، وربع كوب من شامبو الشعر العادي، أو شامبو الجسم، أو سائل غسيل الصحون قومي بخلط المواد معاً، حتى تظهر الرغوة على سطح الماء ثم قومي بغمر فرشاة خشنة ذات يد طويلة بالماء، وقومي بفرك السجاد فيها بشكل دائري، ستلاحظين تجمع الشعر على الفرشاة، قومي بإزالة الشعر وتابعي الفرك، لأنه يعيق عملية التنظيف، وذلك حتى تنتهي من السجادة بشكل كامل ستلاحظين أنّ السجادة أصبحت نظيفة ولها بريق وكأنّها جديدة، افتحي شبابيك الغرفة لمدّة ساعة حتى تجفّ تماماً، أو استخدمي المدفأة، أو المروحة للتجفيف.
إذا كنت تملكين الوقت الكافي لغسل السجادة وتجفيفها، انقلي السجادة إلى خارج المنزل، وضعيها على محيط واسع كسطح المنزل مثلاً، وأحضري ماء ساخن في وعاء كبير، وضعي فيه 100غرام من ملح الليمون، 200غرام من الخل، 50غرام من كربونات الصودا، و50غرام من الكلور الخاص بالالوان، حركي المواد معاً جيداً ثم اسكبي الماء المخلوط على السجادة، واتركيها تنتقع لمدة ربع ساعة، ثم أحضري فرشاة خشنة، وافركي السجادة بحركة دائرية ثم اشطفيها بالماء جيداً، وضعي عليها نصف كوب من الشامبو المعطر، وأعيدي فركها بطريقة دائرية لإزالة رائحة الخل، ثم اشطفيها بالماء النظيف جيداً وانشريها حتى تجف، وستحصلين على نتيجة رائعة بإذن الله.
إذا كنتِ لا تملكين جميع العناصر السابقة، قومي بوضع 400غرام من الماء في زجاجة، 400غرام من الخل، 50 غرام من سائل غسبل الصحون وحرّكي الزجاجة جيداً، حتى تحصلي على مسحوق مركز، واستخدمي المسحوق الناتج في تنظيف السجاد باستخدام فرشاة خشنة وهو في مكانه كما في الطريقة الأولى، بعد وضع كمية منه في الماء وتحريكها.

أخيراً هذه نصيحة لتفادي تفاقم البقع الواقعة على السجاد، إذا انسكب الزيت على السجادة قومي مباشرةً بوضعي كمية من بودرة الأطفال،أو الطحين بشكل يغطي بقعة الزيت، واضغطي على المنطقة بقطعة قطنية، ثم نظّفي المنطقة بالمكنسة الكهربائية، ثم افركيها بإسفنجة مع قليل من سائل غسيل الصحون، وماء دافئ، عنده ستتخلصين من بقعة الزيت بشكل نهائي.

مقالات ذات صلة

شركة تنظيف موكيت بالرياض

 

Post Your Comment Here

لن يتم نشر عنوان بريدك الإلكتروني. الحقول الإلزامية مشار إليها بـ *